قبل ما تتجوز… ماتسألش بس: إحنا بنحب بعض؟

 

قبل ما تتجوز… ماتسألش بس: إحنا بنحب بعض؟

اسأل كمان:
هل إحنا شبه بعض في طريقة الحياة؟

هل تفكيرنا قريب؟
تربيتنا قريبة؟
طريقتنا في الفلوس والمصاريف قريبة؟

مش لازم تبقوا نسخة من بعض.

بس لو الفرق كبير جدًا، كل حاجة صغيرة بعد الجواز ممكن تبقى مشكلة.

هي تقول: دي حاجة عادية.
وهو يقول: لأ دي رفاهية.

هو يقول: إحنا متعودين نعيش كده.
وهي تقول: أنا عمري ما عشت بالطريقة دي.

الحب مهم… بس التوافق هو اللي بيساعد الحب يعيش.