ابنك بيتعلم الدين قبل ما يعرف يتكلم

 ابنك بيتعلم الدين قبل ما يعرف يتكلم

إحنا ساعات بنتعامل مع التربية الدينية كأنها تبدأ لما الطفل يبقى كبير ونقعد نشرح له:

الصلاة فرض…
الكذب حرام…
اعمل كذا وماتعملش كذا.

بس الطفل بدأ يتعلم من بدري جدًا.

قبل ما يفهم كلامك…
هو شايفك.

شايف أبوه أول ما يسمع الأذان بيعمل إيه.

شايف أمه بتتكلم مع الناس إزاي.

شايف في البيت الكذب عادي ولا مرفوض.

شايف الصلاة حاجة أساسية ولا حاجة ممكن تتأجل لأي سبب.

يعني قبل ما الدين يبقى عند الطفل كلامًا مسموعًا،
هو شافه سلوكًا مفعولًا.

وعشان كده ماتستناش ابنك يكبر عشان تبدأ تربيه.

هو بيتربى عليك من اللحظة اللي بدأ يشوفك فيها.