ليه عايز تعرف بكرة؟

 ليه عايز تعرف بكرة؟

ناس كتير نفسها تعرف المستقبل.

هيحصل إيه؟
الجواز إمتى؟
هكسب ولا هخسر؟
السنة دي فيها إيه؟

بس جرب تفكر فيها من ناحية تانية.

لو حياتك فيها ألف حدث جميل، وعرفت من النهارده إن بعد سنة فيه مصيبة جاية…

هتعمل إيه؟

ممكن تقضي السنة كلها في انتظار المصيبة!

بدل ما الحدث يعيش معاك يوم…
خليته يعيش معاك سنة كاملة.

أحيانًا عدم معرفتك بالغيب رحمة.

خلّي الحدث ييجي في وقته.

ماتحملش النهارده هم بكرة قبل ما بكرة أصلًا ييجي.

ويمكن الحاجة اللي خايف منها ما تدركهاش أصلًا.