خليك منتبه لتفاصيل يومك

 خليك منتبه لتفاصيل يومك

أوقات كتير الحل بيجيلك بطريقة ماكنتش مرتب لها.

واحد ماكلمتوش من سنين يكلمك فجأة.
تقابله صدفة.
تكتشف إنه عنده الحاجة اللي إنت بقالك أيام بتدور عليها.

بدل ما تقول:
يا سلام على الصدفة!

اتعلم تقف لحظة وتقول:
سبحان الله… ليه الموضوع ده جه في الوقت ده بالذات؟

مش المطلوب إنك تفسر كل حاجة تفسير غيبي.

لكن المطلوب إن قلبك مايبقاش غافل عن لطف ربنا وتدبيره.