لو بتحب النبي ﷺ… خَدِّم سنته

ربنا قال: ﴿مَن يُطِعِ الرَّسُولَ فَقَدْ أَطَاعَ اللَّهَ﴾.

طيب طاعة النبي ﷺ تبقى إزاي؟

مش بس إنك تقول:

أنا بحب النبي.

لكن تتعلم كلامه…

وتعرف سنته…

وتحاول تعمل بيها…

وتوصلها لغيرك.

وده اللي عمله علماء كتير طول عمرهم.

الإمام النووي مثلًا جمع الأربعين النووية، واختار أحاديث مهمة جدًا تجمع معاني كبيرة من الدين.

وعمل رياض الصالحين، وجمع فيه أحاديث تساعد الناس تعرف تعبد ربنا إزاي، وتتعامل مع بعض إزاي، وتعيش بأخلاق النبي ﷺ إزاي.

وربنا كتب للكتاب قبول كبير، وبقى موجود في بيوت ومساجد كتير والناس لحد النهارده بتتعلم منه.

وده يعلمنا حاجة جميلة:

خدمة النبي ﷺ مش بالكلام بس…

من أعظم خدمته إنك تتعلم سنته، تعمل بيها، وتوصلها للناس.

يعني لو عرفت حديثًا صحيحًا وفهمته كويس…

خليه يغيرك الأول، وبعد كده ساعد غيرك يعرفه.

الحب الحقيقي للنبي ﷺ يظهر في الاتباع.

نتعلم منه… نعمل به… ونبلغه للناس.

معا