الصحبة ممكن تفقدك اتزانك

 الصحبة ممكن تفقدك اتزانك

ممكن تبقى قريب من شخص متدين لكنه شديد السوادوية…

فتاخد منه الدين،
وتاخد معاه الإحباط.

وممكن تبقى قريب من شخص إيجابي ولطيف لكنه مستهين بالدين…

فتاخد منه خفة الروح،
وتاخد معاه الاستهانة.

وبعد فترة تلاقي نفسك مش متزن.

وعشان كده اختيار الصحبة محتاج وعي.

إنت مش بتدور على إنسان كامل…

لأن مافيش حد كامل.

لكن دور على شخص عيوبه مش بتضرب أهم الحاجات اللي إنت بتحاول تحافظ عليها.

في أصحاب عيوبهم تحتمل…
وفي أصحاب عيوبهم مع الوقت تغيرك إنت.