وأنت صغير أهلك يعلموك… لما تكبر دورك أنت

 وأنت صغير أهلك يعلموك… لما تكبر دورك أنت

وإنت طفل طبيعي إن أبوك وأمك يعلموك:

ده صح.
وده غلط.
صلِّ.
ماتكدبش.
اعمل كذا.

لكن لما تكبر وتبقى لك شخصية وقرارات واختيارات، مينفعش تفضل طول عمرك تقول:

"أصل محدش قال لي."

زي ما بتسأل عن دراستك…
وامتحاناتك…
وشغلك…
والورق اللي محتاجه…
والحاجة اللي تهم مستقبلك…

لو الدين فعلًا زاوية أساسية في حياتك، لازم يبقى عندك نفس الحرص إنك تسأل:

ربنا عايز مني إيه؟
وده حلال ولا حرام؟
والعبادة دي بتتعمل إزاي؟

في مرحلة أهلك مسؤولين يعلموك.

وفي مرحلة بعدها أنت مسؤول إنك تبحث وتتعلم.