هل الحب يغيّر الإنسان؟
.png)
هل الحب يغيّر الإنسان؟
السؤال ده مهم جدًا.
ناس كتير تقول لك:
لو بيحبك بجد هيتغير علشانك.
والحب بيعمل المستحيل.
الكلام ده فيه جزء صح، وفيه جزء محتاج نفهمه كويس.
الحب ممكن يغيّر حاجات كتير…
لكن مش كل حاجة.
الحب ممكن يغيّر سلوك مكتسب.
يعني حاجة الإنسان اتعود عليها من صغره.
أو اتعلمها من بيئته.
أو اكتسبها بسبب موقف.
أو بقى عنده رد فعل وحش بسبب تجربة قديمة.
زي العصبية.
طريقة الكلام.
العند.
التجاهل.
الهروب من المواجهة.
قلة التعبير.
بعض العادات السيئة.
دي حاجات ممكن تتغير جدًا مع الحب، والوعي، والمجهود، والرغبة الحقيقية.
لو الإنسان بيحب فعلًا، وشايف إن السلوك ده بيؤذي اللي قدامه، ممكن يشتغل على نفسه ويتغير.
ممكن التغيير هنا يوصل لـ 80% أو 90%.
لأن السلوك اتعلم، واللي اتعلم ممكن يتعدل.
لكن الطبع مختلف.
في حاجات بتكون جزء من تكوين الإنسان.
طبعه هادي.
طبعه اجتماعي.
طبعه حساس.
طبعه قليل الكلام.
طبعه يحب النظام.
طبعه سريع التأثر.
طبعه عملي.
طبعه عاطفي.
الحب هنا مش هيقلب الإنسان لشخص تاني بالكامل.
ممكن يهذّب الطبع.
ممكن يلينه.
ممكن يخليه أهدى شوية.
أوعى شوية.
أكثر مراعاة.
لكن مش هيبدله من الجذور.
يعني لو الطبع اتغير، غالبًا التغيير بيكون بسيط.
10% أو 20% بالكتير.
مش لأن الحب ضعيف.
لكن لأن الطبع أعمق من مجرد عادة.
علشان كده ما تدخلش علاقة وأنت متخيل إنك هتصنع نسخة جديدة من الشخص اللي قدامك.
لو السلوك مؤذي، اطلب تغييره.
لكن لو الطبع نفسه مش مناسبك، فكّر كويس.
لأنك ممكن تفضل عمرك كله مستني شخص يتحول لحاجة مش هو.
والظلم هنا بيكون على الطرفين.
أنت بتضغط عليه يبقى غير نفسه.
وهو بيحاول يرضيك بشكل ممكن يكسره.
الحب الحقيقي مش إنك تلغي طبع اللي قدامك.
الحب الحقيقي إنك تفهمه.
وتشوف إيه ممكن يتعدل.
وإيه لازم تتقبله.
وإيه لا يناسبك من البداية.
فرق كبير بين:
أنا محتاجك تغيّر سلوك بيؤذيني.
وبين:
أنا محتاجك تبقى شخص تاني.
الأولى حب ووعي.
والتانية استنزاف.
فاسأل نفسك قبل ما تطلب التغيير:
هل اللي مضايقني سلوك مكتسب؟
ولا طبع أصيل؟
هل الشخص عنده رغبة يتغير؟
ولا أنا اللي بحاول أغيره غصب؟
هل التغيير المطلوب صحي؟
ولا أنا بطلب منه يفقد نفسه علشاني؟
الحب يقدر يعمل كتير.
بس الحب مش وظيفة إنه يمسح شخصية إنسان ويكتبها من جديد.
.png)
تعليقات
إرسال تعليق