مفاهيم للعلاقات المريحة

 

مش كل زعل سببه إن الناس قصّرت في حقك.

أحيانًا الزعل سببه إنك أنت فرضت على الناس حقوقًا هم ما التزموش بيها أصلًا.

تقول:

أنا كنت فاكر إنه هيعمل كده.

أنا كنت مستني إنها تسأل.

أنا افتكرت إن العلاقة لازم تمشي بالطريقة دي.

طيب مين قال إن اللي في دماغك لازم يبقى قانون على غيرك؟

أنت مش عايش في الكون وحدك.

الناس مشتركة معاك في الحياة.

ولكل واحد طبيعته، قدرته، ظروفه، طريقته، وطاقة قلبه.

مش معنى إنك بتسأل كل يوم، إن الطرف التاني لازم يسأل كل يوم.

ومش معنى إنك بتزور، إن الزيارة لازم تترد بنفس الشكل.

ومش معنى إنك بتعبر بطريقة معينة، إن غيرك لازم يعبر بنفس الطريقة.

الواصلون فهموا معنى عظيم:

لا تعتقد حقًا على الغير من عند نفسك.

يعني ما تخترعش حقًا في العلاقة، ثم تحاسب الناس عليه، ثم تزعل لأنهم ما نفذوش توقعاتك.

اسأل.

اتفق.

وضّح.

افهم طبيعة العلاقة.

لكن ما تعيشش طول الوقت بمنطق:

أنا عملت، يبقى لازم يعمل.

أنا سألت، يبقى لازم يسأل.

أنا اهتميت، يبقى لازم يرد نفس الاهتمام بنفس الشكل.

العلاقات لما تتحول لحسابات، تتعب.

ولما تتحول لتوقعات غير معلنة، تبوظ.

ولما كل صدة تبقى محتاجة ردة، العلاقة تفقد الرحمة.

عامل الناس بطبعك الطيب.

اعمل اللي تقدر عليه.

قدّم اللي تحبه لله.

لكن لا تجعل عطائك فخًا تنتظر به ردًا معينًا من الآخرين.

ربنا سبحانه وتعالى يعطينا كل يوم.

ينعم علينا كل يوم.

يفتح لنا أبواب التوبة كل ليلة.

وهو غني عنا.

لا ينتظر منا حاجة.

يعاملنا بفضله، لا باحتياجه.

فلو تعلم الإنسان من هذا المعنى، هيرتاح جدًا في علاقاته.

اعمل الخير لأن هذا طبعك.

اسأل لأنك تحب.

اهتم لأنك وفيّ.

زر لأنك كريم.

لكن لا تجعل كل فعل منك فاتورة على الناس.

لو ردوا الجميل، فالحمد لله.

ولو ما ردوش، فأنت ما ضعتش.

أنت عملت لله.

وهنا تبدأ الراحة.

كثير من ضيقنا من الناس سببه معاني غلط جوانا.

ومعرفة الله الصحيحة تزاحم المعاني الغلط وتطردها.

لما تعرف أن الله هو الوكيل، يقل تعلقك بردود الناس.

ولما تعرف أن الله هو الشكور، تطمئن أن معروفك لا يضيع.

ولما تعرف أن الله هو الغني، تتعلم ألا تعطي من باب الاحتياج.

ولما تعرف أن الله هو اللطيف، تتعلم الرفق بقدرات الناس.

كلما زادت معرفتك بالله، اتسعت صدرك للحياة.

وكلما صحّت المفاهيم داخلك، قلّ زعلك من الناس.

مش معنى كده إنك تلغي الحدود.

ولا تقبل الأذى.

ولا تفضل في علاقة مؤذية.

لكن فرق كبير بين حق واضح متفق عليه، وبين توقع أنت صنعته في خيالك ثم خاصمت الناس لأنهم لم يعيشوا بداخله.

خفف توقعاتك.

وضح احتياجاتك.

لا تفترض.

ولا تحاكم الناس بقانون لم يعرفوه.

ولا تعيش دور المظلوم لأن الناس لم تؤدِّ الدور الذي كتبته لهم في دماغك.

العلاقات ترتاح لما نعامل الناس بما نستطيع، لا بما ننتظر.

ولما نفهم أن المحبة ليست دائمًا نسخة طبق الأصل من طريقتنا.

قد يحبك شخص، لكنه لا يعرف التعبير مثلك.

وقد يقدرك شخص، لكنه لا يتصل كثيرًا.

وقد يكون وفيًا، لكنه مش شبهك.

افهم قبل ما تزعل.

واسأل قبل ما تحكم.

واتفق قبل ما تحاسب.

واعمل الخير لله قبل أن تنتظر رده من الناس.

اللهم ارزقنا معرفة صحيحة بك تريح قلوبنا، وتصلح علاقاتنا، وتعلّمنا أن نعطي بصدق، ونرضى بحكمة، ولا نحمّل الناس ما لم توجبه أنت عليهم.