هقولكم على سر صغير…
.png)
هقولكم على سر صغير…
لو أي اتنين عملوه في العلاقة، مشاكل كتير هتهدى، والحياة بينهم هتبقى أرحم بكتير.
ما تدخلش العلاقة وأنت مركز بس على حقوقك.
أنا محتاج إيه؟
أنا ناقصني إيه؟
هو ليه مش بيعمل؟
هي ليه مش بتقدم؟
لأن أول ما كل طرف يقعد يفتش على اللي ناقصه بس، العلاقة تتحول لشد وجذب.
أنت ما بتعملش.
وإنتي ما بتقدميش.
أنا تعبت.
وأنا اتظلمت.
أنا مش متشاف.
وأنا مش متسمعة.
وهنا كل واحد يبقى واقف في ناحية، مستني التاني يبدأ.
لكن جرّبوا تعملوا حاجة مختلفة.
كل واحد يسأل نفسه:
إيه اللي الطرف التاني محتاجه مني؟
إيه اللي يفرحه؟
إيه اللي يطمنه؟
إيه اللي يخليه يحس إنه مهم عندي؟
إنت شوف إيه اللي يسعدها، وحاول تعمله.
وهي تشوف إيه اللي يسعدك، وتجتهد فيه.
مش بمنّ.
ولا بحسابات.
ولا بطريقة: أنا عملت، يبقى لازم ترد.
لكن بحب وفهم ورغبة حقيقية إن العلاقة تبقى أهدى وأجمل.
العلاقات بتبوظ لما كل طرف يبقى مركز في نفسه بس.
أنا محتاج.
أنا عايز.
أنا مستني.
أنا محروم.
لكن العلاقات بتتحسن لما كل طرف يبدأ يشوف التاني.
يسمعه.
يفهم احتياجه.
ويتكلم بوضوح.
اقعدوا مع بعض بهدوء.
من غير خناق.
من غير اتهامات.
واسألوا بعض:
إيه أكتر حاجة لو عملتها لك هتحسسك بالأمان؟
إيه أكتر حاجة ناقصاك مني؟
إيه التصرف اللي بيفرق معاك؟
إيه اللي يخليك تحس إنك محبوب ومقدّر؟
وقتها هتكتشفوا إن في حاجات بسيطة جدًا كانت ممكن تنقذ كتير.
كلمة حلوة.
وقت مخصوص.
اهتمام صغير.
رسالة في وسط اليوم.
حضن وقت التعب.
تقدير قدام الناس.
إنصات من غير مقاطعة.
العلاقة مش بس حقوق وواجبات.
العلاقة فهم واحتواء ومبادرة.
فبدل ما كل واحد يستنى التاني يدي الأول…
ابدأ أنت بالفضل.
ابدأ أنت بالحنان.
ابدأ أنت بالسؤال.
يمكن خطوة واحدة منك تفتح باب كبير كان مقفول بينكم.
جربوا تقعدوا مع بعض، وتفهموا احتياجات بعض بوضوح.
وقولوا لبعض بصراحة:
أنا محتاج منك كذا.
وأكتر حاجة بتسعدني منك كذا.
وأكتر حاجة بتوجعني كذا.
بس اتكلموا بهدوء، واسمعوا بجد.
هتنبهروا من الفرق.
.png)
تعليقات
إرسال تعليق