الجواز مش صفقة… والخيانة مش تعويض
الجواز مش صفقة… والخيانة مش تعويض
من أخطر الحاجات اللي بوّظت بيوت كتير:
إن الجواز اتحوّل عند بعض الناس لصفقة.
أنا بدفع… يبقى آخد.
أنا بتعب… يبقى حقي.
أنا بعمل… يبقى لازم ترد.
أنا بصرف… يبقى لازم أتعوّض.
أنا بدي اهتمام… يبقى لازم ألاقي مقابله.
وهنا الجواز يفقد معناه.
لأنه بدل ما يبقى ميثاق ورحمة وسكن، يتحول لعلاقة حسابات.
زي البزنس.
ادفع تاخد.
قصّر يبقى أدوّر على البديل.
ومن هنا بتدخل مداخل خطيرة جدًا.
الراجل يقول:
أنا بتعب وأصرف وأأمّن البيت، وكان من حقي ألاقي حضن يسمعني، فلما ما لقيتش، دورت على حد يسمعني.
والست تقول:
أنا كنت محتاجة حد يشوفني، يلاحظني، يحسسني إني موجودة، فلما حد في الشغل شافني واهتم بيا، قلبي مال.
لكن هنا لازم نقف.
الاحتياج مفهوم.
والألم مفهوم.
والنقص في العلاقة مؤذٍ فعلًا.
لكن الخيانة ليست علاجًا.
ولا الحرام يكون تعويضًا عن تقصير.
ولا ينفع الإنسان يحوّل جرحه إلى مبرر لكسر الأمانة.
المشكلة بدأت لما العلاقة اتبنت على المعاوضة لا على الفضل.
لو الجواز قائم على الفضل، كل طرف يعطي وهو يعلم أن الله لا يضيع أجر من أحسن عملًا.
يعطي لأنه يريد رضا الله.
يخدم لأنه يطلب البركة.
يصبر لأنه يعرف قيمة البيت.
يتكلم لأنه يريد الإصلاح.
ويطلب حقه بأدب، لا بخيانة.
لكن لما الجواز يبقى بزنس، كل طرف يبدأ يحسب:
أنا عملت إيه؟
وأنت عملت إيه؟
أنا اديتك قد إيه؟
وأنت قصّرت قد إيه؟
ومع أول نقص، يبدأ الشيطان يقول:
دور على مكمل.
حد يسمعك.
حد يشوفك.
حد يعوضك.
وهنا الخطر.
الجواز لا ينجح بالحسابات الباردة.
الجواز ينجح بالفضل.
بالرحمة.
بالوضوح.
بالكلام الصادق.
بإن كل طرف يعرف احتياجه ويطلبه بالحلال.
وبإن كل طرف يسمع قبل ما البيت يوصل للجفاف.
اسمعوا بعض قبل ما الغربة تكبر.
شوفوا بعض قبل ما حد غريب يشوف.
اهتموا قبل ما الاحتياج يتحول لثغرة.
لكن حتى لو الطرف الآخر قصّر، لا تجعل تقصيره سببًا لسقوطك.
الفضل أن تظل أمينًا، حتى وأنت موجوع.
والتقوى أن تطلب حقك من بابه، لا من باب الحرام.
اللهم أصلح بيوت المسلمين، واجعل بين الأزواج مودة ورحمة، واحفظ القلوب من الخيانة، وارزقنا الفضل قبل العدل.
.png)
تعليقات
إرسال تعليق