رجعت للذنب بعد ما عاهدت ربنا.. هل باب التوبة اتقفل في وشي؟

 

رجعت للذنب بعد ما عاهدت ربنا.. هل باب التوبة اتقفل في وشي؟

اول حاجة نعمل الشير 😭 

إيوه الشير عاوز تعرف لوحدك

تخيل إنك في يوم من الأيام وقفت بين إيدين ربنا، وطلبت منه بصدق وتقطيع قلب: "يا رب توب عليّ ومش هعمل الذنب ده تاني".. وبعدها بفترة.. الشيطان ضحك عليك ورجعت للذنب ده تاني! 💔

يا ترى إحساسك إيه دلوقتي؟ حاسس إنك منافق؟ حاسس إن باب ربنا اتقفل في وشك؟ حاسس إنك خلاص غرقت؟

اصبر واهدى.. تعالي أقولك الحقيقة اللي الشيطان مش عايزك تعرفها أبدًا! 👇

 فكرك إنك لما تعاهد ربنا وترجع تذنب تبقى "منافق   ؟

 طيب اسمع الصاعقة دي: ربنا ما بيملش من التوبة.. بس أنت اللي بتمل من الاستغفار!

 الشيطان بيشتغلك وبيفهمك إنك "طالما حلفت ورجعت يبقى مالكش توبة".. دي أكبر كذبة بيمشيها عليك عشان تبعد عن باب أرحم الراحمين.

 *  الفرق بين العبد الصادق والعبد اليائس؟ الصادق أول ما بيقع بيمسح دموعه ويقول: "يا رب رجعتلك".. واليائس بيقعد في ظلام اليأس ويقول: "أنا ما ينفعش معايا توبة".

لو واحد عاهد ربنا ألا يفعل ذنبًا معينًا، ثم ضعف ورجع عمله تاني.. الحكم هنا إيه؟ والعمل إيه؟

الصح والواجب عليه في اللحظة دي مش إنه يستسلم لليأس، بل عليه حاجات واضحة جدًا حددها أهل العلم:

 * أولاً: التوبة النصوحة الفورية. يرجع لربنا فورًا ويندم على اللي عمله، من غير تسويف ولا تأجيل.

 * ثانياً: الرجوع الدائم. حتى لو الذنب اتكرر مية مرة، باب التوبة مفتوح مية ومية ومية مرة؛ لأن ربنا بيفرح بتوبة عبده.

 * ثالثاً: الاستغفار بصدق. يطلب المغفرة وهو متأكد إن غفران ربنا أكبر وأسع من ذنبه.

 * رابعاً: الاستعانة بالله وحده. يعترف إنه أضعف من نفسه والشيطان، فيطلب القوة والثبات من ربنا عشان يقدر يقاوم المرة الجاية.

 * سؤال : هو أنا مش كده يعتبر حنثت بيميني أو عهدي مع ربنا؟ وعليه كفارة يمين؟

   > الإجابة: بص يا سيدي، لو أنت عاهدت ربنا بقلبك من غير ما تحلف بلفظ اليمين الصريح (يعني ما قلتش "والله العظيم ما هعمل كذا")، فده مجرد "عزم أو عهد"، وفي الغالب مفيش عليه كفارة يمين، بس عليك توبة صادقة. أما لو كنت حلفت بلفظ اليمين الصريح، فالعلم بيقول إن عليك كفارة يمين (إطعام 10 مساكين أو صيام 3 أيام)، بالإضافة طبعًا للتوبة الفورية من الذنب نفسه.

   > 

 *  طالما رجعت للذنب تاني بعد ما وعدت ربنا، يبقى أنا كده كداب ومنافق وما ينفعش أتوب تاني؟

   >  أوعى تسمع وساوس الشيطان دي أبدًا! النبي صلى الله عليه وسلم قال في الحديث الشريف: (كل بني آدم خطاء، وخير الخطائين التوابون). ربنا ما قالش "خير التائبين اللي ما بيغلطوش"، قال "التوابون" على وزن صيغة مبالغة.. يعني اللي بيغلطوا كتير.. بس بيرجعوا يستغفروا كتير! تكرار الذنب مش معناه إن باب التوبة اتقفل، معناه إنك محتاج تقوي صلتك بربنا أكتر وتغير أسباب الوقوع في الذنب ده.

   > 

 *  طيب أعمل إيه بالظبط عشان ما أرجعش للذنب ده للمرة التالتة؟

   >  الموضوع محتاج خطة عمل عملية مش كلام وخلاص:

   > * اقطع السكة: ابعد عن أي سبب أو شخص أو مكان كان بيوصلك للذنب ده (مثلاً امسح رقم، غير طريق، ألغِ تطبيق معين).

   > * استعين بالله بصدق: ادعي وأنت ساجد: "يا مقلب القلوب ثبت قلبي على دينك".

   > * البس درع الطاعة: أول ما تخلص من الذنب، اعمل معاه حسنة كبيرة تمحيه (صدقة، ركعتين قيام الليل، استغفار كتير)، لأن الحسنات يذهبن السيئات.

   >