ليه حياتك واقفة ومابتتأثرش بالرقية؟
ليه حياتك واقفة ومابتتأثرش بالرقية؟
* هل حضرت جلسات رقية كتير ومحسيتش بأي حاجة خالص (لا دوخة، ولا تشنج، ولا حتى تأثر)، بس في نفس الوقت حياتك واقفة وكل خطواتك الإيجابية بتفشل؟!
* ليه فيه ناس بتحس بتأثر فوري أثناء الرقية، وناس تانية مابتنطقش خالص كأن مافيش حاجة، مع إن تعطيل حياتهم مدمر؟ دي حكاية "الاصابات الروحية الصامتة"!
* لما تكون الجلسة "هادية" تماماً، بس حياتك برة الجلسة "خراب".. هل ده معناه إنك سليم؟ تعالا نعرف السر وراء أشرس أنواع التعطيل اللي مابتظهرش بالساهل!
ناس بتحضر جلسات رقيه شرعية وتخرج وهي بتقول: "محسيتش بحاجة خالص.. كأن مفيش أي تفاعل!"
لكن، على الناحية التانية، حياتهم واقعة، وتعطيل غريب بيلاحقهم في كل خطوة، وأي حاجة إيجابية بيحاولوا يعملوها بتبوظ أو مش بتجيب نتيجة. وهنا بتبدأ الحيرة الكبيرة: هل كل اللي أنا بعيشه ده طبيعي؟
وهل عدم التفاعل مع الرقية معناه إن مفيش ابتلاء روحي؟
وهل عدم التفاعل مع الرقية معناه إن مفيش ابتلاء روحي؟
ده اللي بنسميه "الإصابات الروحية الصامتة"؛ وهي الحالات اللي بتتركز فيها الأعراض على التعطيل في الحياة اليومية، بينما الاستجابة والتأثر جوه جلسات الرقية بتكون منعدمة أو شبه منعدمة، لدرجة إن الشخص ممكن يخرج من الجلسة فاكر إن مفيش حاجة، رغم إن التعطيل هو هو وماتغيّرش.
سببين أساسيين بيظهروا في النوع ده من الحالات:
* التابعة:
وهي تأثير روحي خارجي بيأثر على حياة الشخص وبيحاول يعطل خطواته. بعض حالات التابعة مش بتظهر عليها تفاعلات واضحة أثناء القراءة رغم الشكوى المستمرة من التعطيل. أحياناً حالات تابعة تانية بيظهر معاها رد فعل (زي الدوخة أو التشنج)، وده غالباً بيكون مصحوب بحالة تانية (زي المس أو الحسد)، عشان كده مش كل حالات التابعة شبه بعضها.
* خادم العين (الحسد):
وده من أشرس وأقوى وأعنف حالات الإصابة، والسبب إن التعطيل المرتبط بيه بيكون شديد جداً لا يُقارن. لو استقر في الجسد، في الغالب مش بيظهر أثناء القراءة ومفيش الاستجابة المتوقعة بتححصل، لإن اكتشافه والضغط عليه محتاج معالج عنده خبرة خاصة جداً. التعامل معاه مش سهل حتى بعد ما يظهر، لأنه ممكن يكون مخادع وبيألّف قصص عشان يضلل المعالج والمرضى (مرة يقول حسد، ومرة يقول سحر.. إلخ). وعشان كده، المتابعة مع معالج فاهم هي الأساس لفهم "نقطة الضعف" اللي هتركز عليها، و"نقطة القوة" اللي هتضعفها.
هو أنا لو حضرت رقية ومحصلش معايا أي أعراض (عياط، تشنج، دوخة)، معناه إني سليم ومفيش فيا حاجة؟
> ج: لأ خالص يا غالي، مش شرط أبداً! دي اللي بنسميها إصابة "صامتة". ساعات العارض أو الإصابة بتكون متأقلمة مع الجسد بطريقة ماتخليهوش ينطق بسهولة مع القراءة العادية، بس في نفس الوقت مأثّرة بكل قوة على رزقك، شغلك، جوازك، أو صحتك برة الجلسة.
>
إيه الفرق بين "التابعة" و"خادم العين" في حكاية عدم التفاعل دي؟
> ج: التابعة أحياناً بتعمل تعطيل من غير ما تظهر بتفاعل قوي، وممكن تظهر لو معاها حاجة تانية (زي حسد أو مس). أما "خادم العين" فهو داهية وقوي جداً، التعطيل بتاعه مدمر ومستحيل يظهر بسهولة إلا مع معالج شاطر وعنده خبرة طويلة، لأنه بيعرف يمثل ويراوغ عشان يلخبطك أنت والمعالج.
>
طالما العارض مش بيبان جوه الجلسة، طب إيه الحل أو أنا أتعامل إزاي؟
> ج: الحل مش إننا نقعد نصرخ أو نستنى رد فعل وخلاص؛ الحل الحقيقي هو "المتابعة المستمرة مع معالج فاهم". الشغل هنا بيكون بالدراع، نعرف نقطة الضعف فين عشان نركز عليها، ونقطة القوة بتاعته عشان نضعفها، ومش كل الحالات بتتعالج بطريقة واحدة أو طريقة ثابتة.
>
هل ممكن الإنسان يعالج نفسه بنفسه لو الإصابة صامتة ومش ظاهرة؟
> ج: ممكن لو عندك علم ودراسة صحيحة، وعشان كده فيه ناس بتلجأ لكتب متخصصة اللي بتوضح طرق التشخيص والعلاج الصحيحة بالأعشاب والوصفات المجربة، بس الأفضل دايماً الاستعانة بحد فاهم لو الحالة معقدة.
>
.png)
تعليقات
إرسال تعليق